اسوشېټېد پرېس خبر ورکړی، چې د امریکا د خزانې وزیر سکاټ بسنټ ویلي، د ډونالډ ټرمپ اداره پلان لري چې روانه اوونۍ پر ایران د بانکي بندیزونو نوې مرحله پيل کړي، ترڅو پر تهران اقتصادي فشار زیات او دغه هېواد له نړیوال اقتصادي نظام څخه لا ډېر منزوي شي.
بسنټ ویلي، د شمالي کارولینا په اشویل ښار کې د G20 د مالیې وزیرانو له غونډې سره هممهاله به له خپلو نړیوالو سیالانو سره جلا لیدنې وکړي او له هغوی به له ایران سره د اقتصادي فشارونو په برخه کې د ګډ دریځ او همکارۍ غوښتنه وکړي.
نوموړي مخکې هم ویلي وو، چې واشنګټن د ایران د عوایدو د ټولو احتمالي سرچینو د بندولو لپاره د نورو ثانوي بندیزونو پر طرحه کار کوي او له هېوادونو یې غوښتي، چې له تهران سره اقتصادي اړیکې محدودې کړي.