انادولو خبري اژانس راپور ورکړی، چې په غزه کې د ۲۰۲۳ کال د اکتوبر له ۷مې راهیسې د شهید شویو فلسطینیانو شمېر له ۷۳ زرو او د ټپیانو شمېر له ۱۷۴ زرو اوښتی، په تازه پېښه کې د غزې د روغتیا وزارت د عمومي رئیس منیر البرش زوی بصیر البرش هم شهید شوی دی.
یاد اژانس د یوې طبي سرچینې په حواله راپور ورکړی، چې بصیر البرش د غزې د شمال د جبالیا کډوالو کمپ لوېدیځ ته د الزهرا سیمه کې د اسرائیلي په برید شهید شوی دی. په همدې ورځ د غزې په بېلابېلو سیمو کې دوه نور فلسطینیان هم شهیدان شوي او یوې فلسطینۍ نجلۍ د پخوانیو ټپونو له امله ساه ورکړې ده.
د غزې د روغتیا وزارت د معلوماتو له مخې، د ۲۰۲۵ کال د اکتوبر له میاشتې راهیسې د اوربند له اعلان وروسته هم د بریدونو په ترڅ کې ۱،۳۸۶ فلسطینیان شهیدان او ۴،۷۸۴ نور ټپیان شوي دي.
د راپورونو له مخې، منیر البرش په تېرو میاشتو کې د غزې د روغتیايي نظام د وضعیت، د درملو او طبي تجهیزاتو د کمښت او د روغتیايي خدمتونو د ستونزو په اړه پرلهپسې خبرداری ورکړی دی.