په دوحه کې د افغانستان سفارت ویلي، چې د یاد سفارت سفیر محمد سهیل شاهین د افغانستان لپاره د جرمني سفارت له شارژدافیر رولفدیتار رینهارت سره لیدلي او د دواړو هېوادونو پر اړیکو، د بېرته راستنو شویو کډوالو پر اړتیاوو او افغانستان ته د جرمني د بشري مرستو په اړه یې خبرې کړې دي.
د سفارت د معلوماتو له مخې، په دې کتنه کې د افغانستان د اوسني سیاسي وضعیت او په سیمه کې د دغه هېواد د نښلوونکي موقعیت په اړه هم بحث شوی دی.