دفاع وزارت په یوه خبرپاڼه کې ویلي، چې د یاد وزارت لومړي مرستیال ملا حمیدالله اخندزاده د اسلامي همکاریو سازمان د سرمنشي له ځانګړي استازي ډاکټر طارق علي بخیت او مل پلاوي سره کتلي او د دواړو لورو ترمنځ یې د اړیکو پر پیاوړتیا او بېلابېلو برخو کې د همکاریو پر پراختیا خبرې کړې دي.
د وزارت د معلوماتو له مخې، په دې کتنه کې د بشري، اقتصادي او ټولنیزو موضوعاتو ترڅنګ د امنیت د ثبات په اړه هم بحث شوی او دواړو لورو د لا زیاتو همکاریو ډاډ ورکړی دی.