له هغې ورځې راهیسې چې افغانستان د تښتېدلو مخالفینو له ناوړه شتون څخه پاک شوی او هغوی په لوېدیځو هېوادونو کې ځانونو ته خوندي پناهځایونه موندلي، تل یې هڅه کړې چې د افغانستان اوسنی ارام او له ثباته ډک وضعیت کړکېچن وښيي، څو د خلکو د ذهني اندېښنې او تشویش لپاره زمینه برابره کړي.
هغوی هڅه کوي چې په افغانستان کې هر ډول اقتصادي او ټولنیزه پانګونه ناممکنه وښيي، څو لږ تر لږه له دې لارې وکولای شي د خپل ولس پر وړاندې د مخالفت او بدخواهۍ زهر وشیندي او د هغې سوځنده اغېزه د خلکو پر ژوند وتپي.
بل لوري ته، په داسې حال کې چې د افغانستان د اوسني حکومت له واک ته رسېدو څو کاله تېر شوي، د افغانستان قطار د آبادۍ، پرمختګ او ترقۍ پر لویه لاره روان دی او په دې برخه کې یې مهمې لاسته راوړنې لرلې دي.
په دې منځ کې د دوامداره امنیت او د تېرې ناامنۍ د له منځه وړلو رول خورا څرګند او د پام وړ دی؛ داسې رول چې باید د هېڅ انصافپال انسان له سترګو پټ پاتې نه شي. د بېلګې په توګه، اوس په افغانستان کې د اشخاصو یا بنسټونو پر وړاندې هېڅ ډول ګواښ نشته او د حقیقي او حکمي اشخاصو امنیت په بشپړه توګه تأمین شوی دی.
برعکس، لکه څنګه چې په دې کلونو کې په افغانستان کې امنیت تأمین شوی، د تښتېدلو مخالفینو او بهرنیو دښمنانو هر ډول عملیات شنډ شوي او عاملان یې نیول شوي او سزا ورکړل شوې ده، همدارنګه د داعش په څېر د پېژندل شوو او ورانوونکو ډلو پلانونه او له پاکستان سره د مخالفو او تښتېدلو ګوندونو او جبهاتو همکاري او د افغانستان پر وړاندې د هغوی ګډ لاسلګول، لا زیات څرګند شوي دي. واقعي او له ډګر څخه ترلاسه شوو شواهدو ثابته کړې چې دغه مزدور مسلکي کسان د پاکستان په همکارۍ تل د افغانستان پر وړاندې په دسیسه او توطیه جوړولو بوخت دي او په دې برخه کې آن د افغانستان له دښمنانو سره له ګډ لاس لرلو هم ډډه نه کوي.
له همدې مواردو څخه یوه موضوع، چې په تېرو څو ورځو کې په رسنیو کې د رواني جګړې په توګه مطرح شوې، په افغانستان کې د حقوقي بنسټونو او بهرنیو مؤسسو پر وړاندې د امنیتي ګواښونو د شتون ادعا ده. له شک پرته، دا رسنیز اقدامات او بې بنسټه څرګندونې یوازې د خلکو د ذهني تشویش او دروغو خپرولو په موخه مطرح کېږي، څو د افغانستان ارام وضعیت ناامنه وښيي.
خو هغه څه چې په اوسني افغانستان کې د دې هېواد خلکو او آن د نړۍوالو لپاره ثابت شوي، د ټولو هغو پرمختګونو او پراختیاوو ترڅنګ د امنیت او ثبات شتون دی چې په تېرو کلونو کې رامنځته شوي دي. هغه امنیت چې اوس په افغانستان کې ټینګ دی او هغه خوندیتوب چې د خلکو ژوند او شتمني ترې برخمن دي، د تېر وخت په هېڅ پړاو، په ځانګړي ډول په تېرو شلو کلونو کې ساری نه لري.
که د افغانستان له هر یوه وګړي څخه پوښتنه وشي او دا پوښتنه مطرح شي چې آیا په اوسني افغانستان کې د چا پر وړاندې د وېرې او ډار زمینه شته که نه، نو څرګنده ده چې د خلکو ځواب به په یوه خوله او یو ډول «نه» وي؛ ځکه افغانستان په تېرو څو کلونو کې په بریالیتوب له دې سختې ازموینې څخه راوتلی او په دې هېواد کې یې د پرمختګ او پراختیا تر ټولو مهم عامل، چې هماغه امنیت دی، پلی کړی دی.
نو پایله اخیستلای شو چې د افغانستان پر وړاندې د دښمنانو طرحې او نقشې به هېڅکله په واقعیت بدلې نه شي. له هغو هڅو پرته چې حکومتي چارواکي یې د دغو رواني طرحو د شنډولو لپاره ترسره کوي، ولسي بنسټونه او ټولنیزې ډلې به هم هېڅکله دا خبرې ونه مني او د هغو په دروغوالي او توطیهتوب کې به هېڅ شک ونه لري؛ ځکه دا ټولې اعلامیې او د خطر زنګونه چې د تښتېدلو کسانو له خوا وهل کېږي، د خلکو د ذهني آرامۍ د ګډوډولو په موخه مطرح کېږي او د ټولنیز واقعیت استازیتوب نه کوي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.