په کویټ کې د افغانستان سفارت خبر ورکړی، چې دغه هېواد لپاره د افغانستان سرپرست سفير محمد شفیق خطیب د دغه هېواد د مالیې له وزیر سید یعقوب السید یوسف هاشم الرفاعي او د قضایي چارو د غوښتنو او پلاوي له رییس سید محمد السید یوسف الرفاعي سره کتلي دي.
د سفارت په وینا، په دې کتنه کې د افغانستان د اقتصادي پرمختګونو، سوداګریزو اړیکو، د پانګونې د فرصتونو او قضایي بهیر په اړه خبرې شوې دي.
د سفارت د معلوماتو له مخې، دواړو لورو د دوه اړخیزو همکاریو پر پراختیا او د ګډې همغږۍ پر پیاوړتیا ټینګار کړی دی.