انادولو خبري اژانس راپور ورکړی، چې د امریکا ولسمشر ډونالډ ټرمپ ګواښ کړی چې که اړتیا وي، امریکا به د ایران پاتې برخې هم ویجاړې کړي او په وینا یې، د راتلونکي اقدام په اړه به ډېر ژر څرګنده شي.
ټرمپ په سپینه ماڼۍ کې خبریالانو ته ویلي، واشنګټن په دې اړه پرېکړه کوي چې ایا داسې اقدامات وکړي چې د ده په وینا، د ورته پېښو د تکرار مخه ونیسي. نوموړي زیاته کړې، د امریکا او اسرائیلو له جګړې وروسته به ایران د بیارغونې لپاره ۲۵ کلونو ته اړتیا ولري.
نوموړي د ایران د اټومي پروګرام په اړه د منځګړو له لارې امریکا ته د لېږل شوي وړاندیز په تړاو هم ویلي، ایران د امریکا له اجازې پرته هېڅ اقدام نه شي کولای.