پوهنې وزارت د یونیسف او یونسکو د ګډ راپور په غبرګون کې ویلي، چې په دغه راپور کې وړاندې شوې شمېرې د هېواد د ښوونیز وضعیت بشپړ انځور نه وړاندې کوي.
یونیسف او یونسکو په خپل وروستي راپور کې ویلي، چې د لومړنیو زدهکړو د عمر ۵۳ سلنه ماشومان له رسمي زدهکړو بېبرخې دي او له ۲۰۲۱ کال راهیسې تر ۲.۶ میلیونو ډېرې نجونې له ثانوي زدهکړو محرومې شوې دي.
خو د پوهنې وزارت وایي، اوس مهال په افغانستان کې تر ۱۸ زرو ډېر دولتي او خصوصي ښوونځي، زرګونه دیني مدرسې او نور ښوونیز مرکزونه فعالیت لري.
دغه وزارت ټینګار کړی، چې د هېواد د ښوونیز وضعیت د ارزونې لپاره باید د پوهنې وزارت رسمي شمېرې او معلومات په پام کې ونیول شي.