والسټریټ ژورنال راپور ورکړی، چې د امریکا استخباراتي ارزونې ښيي، چې ایران د امریکا او اسرائیلي رژیم له څو میاشتنيو بریدونو سره سره لا هم له ۱۵۰۰ تر ۲۵۰۰ پورې توغندي لري.
د راپور له مخې، ایران د توغندیو او بېپیلوټه الوتکو د زېرمو د بیا رغونې هڅې کوي او لا هم په سیمه کې د امریکايي او متحدو اهدافو د ګواښلو وړتیا لري.
راپور کې راځي، چې ایران د توغندیز ځواک د شمېر په اړه د امریکا د استخباراتي ارزونو د باور کچه ټیټه ده، خو د اټکل ټیټه شمېره هم ښيي چې ایران د جګړې د مخکني توغندیز ځواک تر نیمایي ډېره برخه بېرته ترلاسه کړې ده.