د ریاستالوزراء اقتصادي معاونیت ویلي، چې ملا عبدالغني برادر په جوزجان ولایت کې د بیات پاور د ۴۰ مېګاواټه ګازي برېښنا توربین د بیاځلي فعالیت چارې پرانیستې.
نوموړي د ګازي برېښنا د تولید په برخه کې د بیات پاور پانګونه ستایلې او له نورو پانګوالو یې هم غوښتي، چې د برېښنا او نورو اقتصادي سکټورونو په برخه کې پانګونه وکړي.
ملا عبدالغني برادر اخوند زیاته کړې، افغان حکومت د اقتصادي ودې او صنعتي کېدو لپاره مهم ګامونه اخیستي او پانګوالو ته یې د پانګونې مناسب فرصتونه برابر کړي دي. نوموړي له پانګوالو او صنعتکارانو غوښتي، چې د هېواد په ابادۍ او د کاري فرصتونو په رامنځته کولو کې ونډه واخلي.