هندوکش غږ ته رسېدلي راپورونه ښيي، چې د جمهوريت پر مهال د غزني ولايت د ګيلان ولسوالۍ د اربکيانو قومندان «شريف»، تېره ورځ د بلوچستان په سرانانو سيمه کې د نامعلومو وسله والو له لوري وژل شوی.
معلومات ښيي، چې بريدګر له بريدو وروسته له سيمې تښتېدلي او تر اوسه په دې اړه نور جزئيات هم نه دي خپاره شوي.
ياده دې وي، چې شريف الله په وروستيو ورځو کې د متحدې جبهې له مصر سميع سادات سره افغانستان کې د ورانکارو فعاليتونو د ترسره کولو په موخه همغږي کوله.
په رسنيو کې خپاره شوي غږيز کليپونه ښيي، چې شريف الله د سميع سادات په لارښوونه غزني کې د يو لړ شر جوړونکو او ورانکارو فعاليتونو د ترسره کولو په پلان بوخت و.


