د احصایې او معلوماتو عمومي اداره وايي، د ۱۴۰۵ کال په لومړیو شپږو میاشتو کې یې په ټول هېواد کې ۸۲۷ زره او ۶۰ برېښنايي پېژندپاڼې وېشلې دي.
د دغه ریاست د شمېرو له مخې، له وېشل شویو پېژندپاڼو څخه ۶۰۰ زره او ۵۴۶ نارینهوو او ۲۲۶ زره او ۵۱۴ ښځو ته وېشل شوې دي.
د معلوماتو له مخې اوسمهال د برېښنايي پېژندپاڼو خدمتونه په هېواد کې د وېش او آسانخدمت له ۸۷ مرکزونو او د متحده عربي اماراتو په ابوظبي ښار کې د یوه آسانخدمت مرکز له لارې وړاندې کېږي.
د یاد ریاست د معلوماتو له مخې، د برېښنايي پېژندپاڼو د وېش بهیر له پیل راهیسې تر اوسه نږدې ۱۸ میلیونه او ۳۰۰ زره برېښنايي پېژندپاڼې وېشل شوې دي.


