امارتي شرکتونو عمومي ریاست ویلي، د ملي بس امارتي شرکت اجرائیوي رئیس حافظ عبدالباقي مقیم چین ته د سفر په ترڅ کې د شانګهای آوما د معلوماتي ټکنالوژۍ خدماتي شرکت او د چین د انجنیري اتحادیې (CCES-UPTB) له مسولینو سره د ټرانسپورټي او تخنیکي همکاریو په اړه خبرې کړې دي.
د معلوماتو له مخې، په دې لیدنو کې د بسونو د تخنیکي فعالیتونو، نوښتونو، پرمختللو ټرانسپورټي ټکنالوژیو او انجنیري برخو کې د ګډو همکاریو پر پراختیا بحث شوی او چینايي مسوولینو د همکاریو چمتووالی ښودلی دی.
چینايي لوري د (CCES-UPTB) شرکت د عملیاتي او کنټرول خونې د تخنیکي وړتیاوو په اړه معلومات ورکړي او ویلي یې دي چې دغه سیسټم د شانګهای ښار د عامه ټرانسپورټي بسونو د څارنې لپاره کارول کېږي.


