د پيو په نوم يو نړيوال څېړنیز مرکز، چې په امريکا کې فعاليت کوي په خپل تازه راپور کې وړاندوینه کړې، چې د اسلام مبارک دين به تر ۲۰۳۵ میلادي کال پورې د پیروانو د شمېر له مخې له مسیحیت څخه مخکې شي او د نړۍ تر ټولو لوی دین به وګرځي.
د راپور له مخې، تمه ده چې تر ۲۰۳۵ کال پورې د مسلمانانو شمېر ۲.۵۷ میلیارده او د مسیحیانو شمېر ۲.۵۲ میلیارده کسانو ته ورسېږي.
دغه مرکز د مسلمانانو د نفوس د چټکې ودې اصلي لامل د زېږون د کچې لوړوالی بللی او زیاته کړې یې ده، چې د مسیحیانو نفوس به هم په راتلونکو لسیزو کې زیاتوالی ومومي.


