د معیار او کیفیت ادارې په یوه خبرپاڼه کې ویلي، چې د یادې ادارې عمومي رئیس ملا عبدالله حاجي بشیر د یوه پلاوي په مشرۍ د څلور ورځني رسمي سفر په موخه ایران ته تللی دی.
د یادې ادارې د معلوماتو له مخې، په دغه سفر کې به د ایران د سټنډرډ ادارې له مسوولینو، د صنعتي اتحادیو له مشرانو سره د ملاقاتونو ترڅنګ د یاد هېواد له یو شمېر تولیدي فابریکو څخه لیدنې ترسره کړي.
د دغه سفر موخه له سیمهییزو او نړیوالو ادارو سره د همکاریو پراختیا، د تجربو تبادله او د معیار او کیفیت ادارې د مسلکي ظرفیتونو لوړول بلل شوي دي.


