الهدهد، د اسلامي نړۍ څارونکې عربي رسنۍ راپور ورکړی، چې د سوډان غوڅ ملاتړ ملېشو لوړپوړی قومندان مشعل عبدالرحمن له خپلو ۳۱۷ ملګرو او ګڼ شمېر پوځي مهماتو سره له ملېشو جلا او د سوډان له پوځ سره یوځای شوی دی.
بلخوا، د سوډان پوځ د النهود ښار په شاوخوا کې خپل ځواکونه ځای پر ځای کړي او د ابو زبد ښار اړوند د حمیر سیمې ته ننوتلی دی.
پوځ د خپلو عملیاتو له پیل راهیسې د لومړي ځل لپاره د النهود ښار مرکز ته نږدې سیمې هم تصفیه کړې دي، چې دا د النهود او ابو زبد ستراتیژیکو ښارونو بېرته نیولو لپاره د پراخو ځمکنیو عملیاتو د پیل چمتووالی بلل کیږي.


