د عامې روغتیا وزارت ویلي، چې د یاد وزارت وزیر مولوي نور جلال جلالي په خپل کاري دفتر کې د فراه له والي ملا محمد حافظ مجاهد سره لیدلي او په دغه ولایت کې یې د روغتیايي خدمتونو پر پراختیا او د شته ستونزو پر حل خبرې کړې دي.
په دې لیدنه کې د روغتیايي خدمتونو د کیفیت ښهوالي، د ناروغانو اړتیاوو ته د رسېدنې او خلکو ته د غوره روغتیايي اسانتیاوو د برابرولو موضوعات مطرح شوي دي.
د عامې روغتیا وزیر د روغتیايي خدمتونو د پراختیا او د شته ستونزو د حل ډاډ ورکړی او ویلي یې دي، چې روغتیا وزارت په ټول هېواد کې خلکو ته د اړینو او عادلانه روغتیايي خدمتونو وړاندې کولو ته ژمن دی.


