د عامې روغتیا وزارت ویلي، چې نیمروز د عامې روغتیا ریاست د څارنې او پلټنې آمریت په تېرو شپږو میاشتو کې ۱۲ ټنه بېکیفیته او تاریخ تېر درمل او خوراکي توکي راټول او له منځه وړي دي.
د معلوماتو له مخې، د دغو توکو ټولیز ارزښت یو میلیون، ۱۳۰ زره او ۹۶۰ افغانۍ کېږي، چې د ټاکل شوي پلاوي له ارزونې او اړینو اجراآتو وروسته، د اصولو له مخې له استوګنیزو سیمو لرې له منځه وړل شوي دي.
د دې اقدام هدف د بېکیفیته او له نېټې تېرو درملو او خوراکي توکو د پلور او کارونې مخنیوی او د هېوادوالو د روغتیا خوندیتوب بلل شوی دی.


