د کانونو او پټرولیم وزارت وايي، په افغانستان کې د ټاپي پروژې چارې په چټکۍ سره روانې دي او هڅې کېږي چې ژر تر ژره يې چارې بشپړې شي.
د دغه وزارت د مسوولینو په وینا، د پروژې په مسیر کې تر اوسه ۱۵۰ کیلومتره ساحه هواره شوې ده.
د ټاپي پروژه چې په سیمه کې د ګازو د لېږد له سترو پروژو څخه ګڼل کېږي، ټاکل شوې د روان میلادي کال تر پایه يې د هرات برخه بشپړه شي.
د یاد وزارت د معلوماتو له مخې، په دې سره به افغانستان د ټاپي د څلورو غړو هېوادونو له ډلې لومړنی هېواد وي چې په عملي ډول د دې پروژې له ګازو ګټه پورته کړي.


