د امریکا مالیې وزارت خبر ورکړی، چې د ایران له حکومت سره د اړیکو په پلمه یې پر شپږو اشخاصو او څلورو شرکتونو نوي بندیزونه لګولي دي.
د معلوماتو له مخې، له تحریم شویو اشخاصو څخه پنځه تنه د ایران او یو کس د وینزویلا تابعیت لري او هغه څلور شرکتونه چې بندیز پرې لګېدلی، په ایران او وینزوېلا کې فعالیت لري.
دا په داسې حال کې ده، چې امریکا او متحدینو یې په دې وروستیو کې پر ایران اقتصادي فشارونه زیات کړي، چې ورسره په دغه هېواد کې د عامو خلکو ژوند او کاروبارونه سخت اغېزمن شوي.