راپورونه وايي، چې په خیبر پښتونخوا ایالت کې د بېړني حالت او د والي د واکمنۍ د احتمالي پلي کېدو په غبرګون کې، د باړه بازار یو شمېر اوسېدونکي سړکونو ته راوتلي او لاریون یې پیل کړی دی.
لاریونوال وايي، په هېڅ ډول شرایطو کې به اجازه ورنهکړي چې په خیبر پښتونخوا کې بېړنی حالت اعلان یا د والي واکمني پلې شي.
دا په داسې حال کې ده چې د پاکستاني رسنیو د راپورونو له مخې، د خیبر پښتونخوا اعلی وزیر سهیل اپریدي څو ساعته مخکې خبرداری ورکړی و، چې د والي د واکمنۍ د پلي کولو، بېړني حالت اعلانولو یا د ایالتي حکومت د خلکو د رایې له پامه غورځولو هر ډول هڅه به له سخت ولسي غبرګون سره مخ شي.
نوموړي زیاته کړې وه، که داسې اقدام وشي، لاریونوال به د صوابۍ پر ځای د پېښور پر لور حرکت وکړي.