راپورونه وايي، تاجکستان او قرغېزستان چې د سرحدي شخړو له امله له کلونو راهیسې اختلافات درلودل، بالاخره د دواړو هېوادونو استازو په بیشکیک کې د ګډ سرحد تثبیت تړون لاسلیک کړ.
تړون د قرغېزستان ملي امنیت دولتي کمېټې مشر “کمتشیبیک تاشییف” او د تاجکستان ملي امنیت دولتي کمېټې مشر “سایمومین یاتیموف” ترمنځ لاسلیک شوی دی.
د قرغیزستان ولسمشر صدر جباروف ویلي، چې د سرحدي توافق وروستي پړاوونه به د دواړو هېوادونو بهرنیو چارو وزیران او پارلمانونه هم تصویب کړي او دا پروسه ممکن یو یا دوه کاله وخت ونیسي.
ياده دې وي چې، د دواړو هېوادونو ترمنځ له اوږدې مودې راهیسې د سرحدونو په ټاکلو شخړه روانه وه.