رويټرز خبري اژانس راپور ورکړی، چې د جرمني په لویدیځ ګیلسنکرچین ښار کې غله د یوه کوچني بانک د پېرېدونکو خوندي زېرمو ته ننوتي او شاوخوا لس میلیونه یورو او نور قیمتي توکي یې غلا کړي دي.
د پولیسو په وینا غلو د بانک د خزانې یوې خونې ته د دننه کېدو له پاره له ېوې اوږدې برمې استفاده کړې او دېوال یې سوری کړی دی.
پولیسو زياته کړې، چې غلو څه باندې ۳۰۰۰ صندوقونو ته چې په کې امانت نغدې پیسې، سره زر او زیورات اېښودل شوي و لاسرسی موندلی دی.
د جرمني امنیتي پولیسو ویلي، د یادې پېښې په څېړنه روانه ده، خو تر اوسه د غلو په نیولو نه دي بریالي شوي.