د معیار او کیفیت ادارې په یوه خبرپاڼه کې ویلي، چې د حیرتان بندر له لارې یې هېواد ته د ۶۹ ټنه بېکیفیته سمنټو د یوې محمولې د واردېدو مخه نیولې او یاده محموله یې بېرته صادرونکي هېواد ته ګرځولې ده.
د یادې ادارې په خبرپاڼه کې ویل شوي، چې محموله د معیار او کیفیت امریت د مسلکي کارکوونکو له لوري تر تخنیکي څېړنو او اړینو ازموینو وروسته له داخلي معیارونو او الزاماتو سره مغایره تشخیص شوې ده.
اداره وايي، د وارداتي توکو د کیفیت د کنټرول لړۍ په ټولو بندرونو کې روانه ده او د هغو بېکیفیته توکو د واردېدو مخه نیول کېږي چې د خلکو روغتیا، خوندیتوب او ګټې ګواښي.