دفاع وزارت د افغانستان پر خاوره د هند توغندیز برید په اړه د پاکستان د پوځي چارواکو ادعا او اوازې رد کړې.
د دفاع وزارت ویاند عنایت الله خوارزمي له رسنیو سره په خبرو کې ویلي، چې د هند له لوري په افغانستان توغنديز برید حقیقت نه لري.
تر دې وړاندې د پاکستان پوځي چارواکو ادعا کړې وه، چې پر پاکستان د هند توغندیز بریدونو کې د افغانستان خاوره هم په نښه شوې.
په ورته مهال د هند بهرنیو چارو وزارت هم د دې ادعا په ردولو سره ویلي، چې د افغانستان خلک اوس خپل دوست او دښمن ښه پېژني.
