رويټرز خبري اژانس راپور ورکړی چې د امریکا دفاع وزیر پېټ هېګسټ پرون امر کړی، چې د امریکا د پوځ د څلورستوري جنرالانو شمېر دې ۲۰ سلنه کم شي.
د سرچينې په خبره، هېګسټ ويلي چې د امریکا په پوځ کې د جنرالانو شمېر زیات دی او د دې هېواد د پوځ بریا کې یې هېڅ کومه مرسته نه ده کړې او له همدې امله بايد له دندو لرې شي.
د رویټرز د راپور له مخې، هېګسټ په یوه داخلي یادښت کې اعلان وکړ، چې د ملي ګارډ جنرالانو شمېر به هم لږ تر لږه ۲۰ سلنه راکم شي.
دغه راز د امریکا د دفاع وزیر د دغه هېواد په پوځ کې د يو شمېر نورو بدلونونو پلان هم لري او په دې لړ کې به د حوزوي قومندانۍ سِتادونه هم سره یوځای کړي.
ياده دې وي، چې تر دې وړاندې د امريکا ولسمشر ډونالډ ټرمپ د دغه هېواد د بېلابېلو ادارو او وزارتونو د کارمندانو د کمولو د پرېکړې اعلان هم کړی و.