پاکستاني فعالانو او رسنیو راپورونه خپاره کړي، چې د لاهور پولیسو د پاکستان د مرستیال لومړي وزیر او بهرنیو چارو وزیر اسحاق ډار لمسی، محمد رضا ډار، د دوو بهرنیو ښځینه اتباعو د تښتونې، ډلهییز جنسي تېري او باج اخیستنې په تور نیولی دی.
د خپرو شویو معلوماتو له مخې، په ثبت شوې قضیه کې راغلي چې یادې بهرنۍ ښځې، چې یوه یې د فرانسې او بله د وینزویلا تبعه ده، له محمد رضا ډار سره په ۲۰۲۵ کال کې په سینګاپور کې اشنا شوې وې او وروسته د هغه په بلنه پاکستان ته تللې وې.
په راپورونو کې ادعا شوې چې دواړه ښځې د جون په ۲۹مه تښتول شوې وې، نغدې پیسې ترې اخیستل شوي او د جنسي تېري او باج اخیستنې ترڅنګ ورته د وژلو او د بدن د غړو د پلورلو ګواښونه هم شوي و.
د یادونې ده، چې د دې ادعاوو په اړه تر اوسه د پاکستان د حکومت یا د اسحاق ډار له لوري رسمي دریځ نه دی خپور شوی، او د قضیې بشپړ جزئیات لا هم تر څېړنو لاندې دي.