د فراه د سوداگرۍ او پانگونې خونه وايي، په دغه ولایت کې د یو سوداگر له لوري د وینځونکو توکو تولیدي کارخونه فعاله شوه.د فراه ولایت مقام څخه په خپره شوې خبرپاڼه کې ویل شوي، د محمد شفیق افضلي له لوري د (۱۱۰۰۰۰۰) ډالرو په پانگونې سره د وینځونکو توکو کارخونه فعاله شوې ده.د خبرپاڼې له مخې، په دغه کارخونه کې ۱۵ تنو ته د کار زمینه هم برابره شوې ده.:« په سيمه کې ټولو ملي سوداگرو ته د پانگې اچوونې او خامو توکو په برخه کې گڼې اسانتياوې رامنځته شوې دي، ټول سوداگر او پانګهوال کولی شي، چې د توليدي شرکتونو جوازونه واخلي.»اوسمهال په فراه کې ۳۰ کارخونې فعاله دي، چې په بېلابېلو برخو کې تولیدات لري.په هېواد کې د بشپړ امنیت له برکته اوسمهال گڼ کورني او بهرني پانگهوال غواړي چې په بېلابېلو برخو کې پانگونه وکړي.افغانستان لا هم هغه هېواد دی چې د وارداتو کچه یې د صادراتو په نسبت لوړه ده او گڼ توکي ورته د بهرنیو هېوادونو څخه راځي.افغان پانگهوال هیلهمن دي چې په افغانستان کې د برېښنا ستونزې د هوارېدو سره به د هېواد په بېلابېلو ولایتونو کې گڼ پانگهوال پانگه اچوونې ته زړه ښه کړي.
فراه کې د وینځونکو توکو کارخونه فعاله شوه
#image_title