قزاقستاني رسنیو راپور ورکړی، چې دغه هېواد غواړي له افغانستان سره سوداګري له اوسني حالت شاوخوا ۵۰۰ میلیونه ډالرو څخه درې میلیارده ډالرو ته لوړه کړي.
قزاقستاني چارواکو ویلي، چې افغانستان ته د دې هېواد په صادراتو کې غله، اوړه او کرنیز توکي شامل دي.
دوی زیاته کړې، چې د تورغونډۍ–هرات د اوسپنې پټلۍ پروژه به د کابل او استانې ترمنځ د سوداګرۍ د پراختیا لپاره مهمه وي.
د یادونې ده، چې قزاقستان د سویلي اسیا او منځنۍ اسیا بازارونو ته د لاسرسي لپاره افغانستان د ټرانزیټ مهم دهلېز بولي.