د مالیې وزارت د نفتي توکو د کیفیت او څارنې ریاست تېره میاشت د روران ۱۴۰۴ه.ش کال په غویي میاشت کې یې د هېواد له یو شمېر ګمرکونو ۱۸۴ ټانکره بې کیفیته نفتي مواد بېرته ګرځولي دي.
مالیې وزارت د یوې خبرپاڼې په خپرولو سره ویلي، چې د مسترد شويو ټانکرو له ډلې ۸ ټانکره له حیرتان ګمرک څخه، ۱۱۹ ټانکره له نیمروز ګمرک څخه، ۵۵ ټانکره د فراه له ګمرک څخه او دوه ټانکره بیا د تورغونډۍ له ګمرک څخه بېرته اړوندو هېوادونو ته ګرځول شوي دي.
د یادونې وړ ده، چې د سرپرست حکومت له بیا واکمنۍ وروسته د هېواد په لویو ګمرکونو کې پر واردېدونکو توکو له جدي څار سربیره په لویو ښارونو کې هم د بې کیفیته او تاریخ تېرو توکو پر وړاندې هڅې تر بل هر وخت چټکې شوې دي.