Close Menu
    افغانستان

    ملا عبدالغني برادر د ازبکستان له ولسمشر سره پر مهمو اقتصادي موضوعاتو خبرې کړي

    عمران آغاڅرگندونې نشته1 دقیقه لوستل
    د رییس‌الوزراء اقتصادي مرستیال، ملا عبدالغني برادر د اذربایجان په خنکندي ښار کې د ازبکستان له ولسمشر شوکت میرضیایف سره د اقتصادي اړیکو، اوسپنې پټلۍ، سوداګرۍ، ترانزیټ او برېښنا په اړه خبرې وکړې.

    د ریاست الوزرا د اقتصادي معاونیت د خبرپاڼې له مخې ښاغلي برادر پر نړيوال سټيج د افغانستان په اړه د ازبکستان د مثبت موقف مننه کړې او په وينا یې دا مهال د افغانستان او ازبکستان ترمنځ د سوداګرۍ کچه له یو میلیارد ډالرو څخه اوښتې ده، چې د پخوا په نسبت ۶۰ سلنه زیاتوالی ښيي. هغه هيله وښوده چې دا کچه په راتلونکي کې دوه میلیارده ډالرو ته ورسېږي.

    ښاغلي برادر همدا راز له ازبکستاني لوري غوښتي چې د ازبکستان له لارې منځنۍ اسیا او روسیې ته د افغاني توکو د صادراتو لپاره اسانتیاوې رامنځته کړي.

    له بل لوري د ازبکستان ولسمشر شوکت میرضیایف ويلي، هېواد یې په افغانستان کې د مزارشریف–هرات–کندهار اوسپنې پټلۍ پروژه، د نساجي فابریکو جوړولو، د سیمنټو تولید، تیلو د تصفیې کارخونو، د مالګې کانونو استخراج او پروسس، الکترونیکي حکومتولۍ او نورو سکټورونو کې پانګونې ته چمتووالی لري.

    مربوطه لیکنې

    ځواب پریږدئ