د رويټرز خبري اژانس د راپور له مخې، د روسیې ولسمشر ویلادمیر پوتين په يوه ځانګړي امر د توغنديو، هوايي دفاع او هوايي بريدونو يوه ډله متخصصين ايران ته لېږلي تر څو په ايران د اسرائيلو د احتمالي بريد د منخنيوي يا د دغه برید په شنډولو کې له ايران سره مرسته وکړي.
پوتين دا اقدام داسې مهال کوي چې، اسرائيلي چارواکو په دې وروستيو کې بار بار د ايران په اټومي تاسیساتو د بريد کولو خبرداری ورکړی دی.
ياده دې وي چې، روسيې او ايران څه موده وړاندې له يوه بل څخه د نظامي دفاع او نورو برخو يو مهم شل کلن ستراتيژيک تړون لاسليک کړ، چې له مخې به یې دواړه هېوادونه د نورو پر وړاندې يو د بل دفاع کوي.