جزیرة العرب کې د القاعدې اسلامي غورځنګ پوځي څانګې «انصار الشریعة» د یوې اعلامیې په خپرولو سره له عربو او مسلمانو ملتونو، په ځانګړي ډول د مصر له ولس او د سینا له قبایلو غوښتي چې د سر په بیه د غزې له محاصره شویو خلکو سره مرسته وکړي او د مصر او غزې ترمنځ مصنوعي پوله ماته کړي.
ورته مهال د دې غورځنګ لوړپوړي مشر ابراهیم البناء المصري، هم تازه په یوه بیانیه کې پر مصري ولس غږ کړی، چې د غزې خلکو د مرستې په موخه سرحدونه مات کړي.
نوموړي همداراز د مصر ولسمشر سیسي له صهیونیستي رژیم سره په همکارۍ او د فلسطینیانو پر وړاندې په بې پروايۍ تورن کړی دی.
دا په داسې حال کې ده، چې تېره ورځ حماس غورځنګ د یوې خبرپاڼې په خپرولو سره وویل، چې غزهوال له لوږې مړه کېږي او په دې برخه کې یې د عربي او اسلامي نړۍ چوپتیا د حیرانۍ وړ وبلله.