د دوبۍ حکومتي رسنیو دفتر خبر ورکړی، چې نن د دوبۍ په نړيوال سوداګريز مرکز کې د عربي رسنيو ۲۴مه سرمشريزه (قمة الإعلام العربي 2026) پيل شوې.
د دوبۍ حکومتي رسنیو دفتر ویلي، چې د سوريې ولسمشر احمد الشرع به د دې غونډې ځانګړی میلمه وي او د “راتلونکې سوريې” تر سرلیک لاندې به د خپل هېواد روان تحولات او راتلونکې ليدلوری وړاندې کړي.
دا سرمشريزه چې د سپتمبر تر ۱۷مې به دوام وکړي، ۸ بېلابېل فورمونه لري او په بېلابېلو پروګرامونو کې د عربي رسنیو او تخلیقي برخو غوره او مخکښو کسانو ته جایزې هم ورکول کيږي.