الجزیرې راپور ورکړی، چې اسرائیلو د عربي اتحادیې نوي سرمنشي او د مصر د بهرنیو چارو پخواني وزیر نبيل فهمي ته اجازه نه ده ورکړې، چې د فلسطین رامالله ښار ته ننوځي.
د الجزیرې د راپور له مخې، ټاکل شوې وه، چې فهمي د خپل ماموریت له پیل وروسته په لومړي بهرني سفر کې رامالله ته ولاړ شي، له فلسطیني ولسمشر محمود عباس سره وګوري او د فلسطیني ولس لپاره خپل ملاتړ څرګند کړي، خو د اسرائیلي چارواکو له خوا د دې سفر مخالفت وشو.
فهمي د دې پرېکړې په غبرګون کې ویلي، چې د فلسطیني سیمو اشغال، د مېشتځایونو پراختیا او د فلسطینیانو پر وړاندې روان تاوتریخوالی هغه موضوعات دي چې اسرائیل باید پرې حساب ورکړي.