د اوبو او انرژي وزارت وزارت په یوه خبرپاڼه کې وایي، چې نن به رسماً د سرپرست حکومت د لوړ پوړو چارواکو، مسؤولینو او د دې وزارت د رهبرۍ او د ځایي خلکو په شتون کې ګټې اخیستنې ته وسپارل شي.
د خبرپاڼې له مخې، کمال خان بند، د هېواد د اوبو مدیریت، کرنیز پرمختګ او انرژي تولید لپاره حیاتي اهمیت لري، چې د دغه بند له پرانیستې سره به د سیمې خلکو ته د کرنې، اوبو لګولو، او برېښنا تولید اسانتیاوې برابرې شي.