د ټرانسپورټ او هوايي چلند وزارت د واټ ټرانسپورټ معین، ملا عبدالسلام حیدري او ترکمنستان د ټرانسپورټ او اوسپنې پټلۍ استازو ترمنځ انلاین ناسته شوې.
یاد وزارت په یوه خبرپاڼه کې ویلي، چې دې ناسته کې د لاجورد لارې ټرانسپورټي او ټرانزیټي اهمیت او له دغه لارې د سوداګریزو توکو د لېږد رالېږد پر زیاتوالي خبري شوي دي.
دواړو لوریو دغه راز د ټرانسپورټي او ټرانزیټي اړیکو پر پراختیا، په یاده برخه کې د ټرانسپورټي شرکتونو او موټر چلوونکو لپاره د اسانتیاوو پر زیاتوالي او یو شمېر نورو موضوعاتو هم غږېدلي دي.
ټرانسپورټ او هوايي چلند وزارت زیاته کړې، چې یادو برخو کې دواړو لوریو ترمنځ لازمې پرېکړې هم شوې دي.