د افغانستان برېښنا شرکت رئیس، ملا عبدالحق همکار، تاجکستان کې د کاسا-۱۰۰۰ پروژې د چارو د پرمختګ، شته ننګونو او د پلي کېدو بهير د ارزونې په موخه له (KEC) قراردادي شرکت له مسؤلينو سره ګډه ناسته کړې.
د یاد شرکت په وینا، په دې ناسته کې د کاسا-۱۰۰۰ پروژې د چارو پر چټکتيا، د قراردادي شرکتونو د احتمالي ستونزو پر حل، د عملي اقداماتو پر اړتيا او د تخنيکي همغږۍ پر پياوړتيا ټینګار شوی دی.
کتنه کې د قراردادي شرکت مسئولينو ډاډ ورکړی چې د یادې پروژې د چارو چټکتيا، تخنيکي همغږۍ او پر وخت د پروژې چارو بشپړاوي لپاره به خپلې هڅې لا چټکې کړي.