د ۲۱۵ عزم قول اردو مطبوعاتي دفتر وایي، د دغې قول اردو د اووم نمبر سرحدي لواء ځواکونو د هلمند ولايت مارجې ولسوالۍ کې ګاونډي هېواد ته قاچاق کېدونکي څه باندې ۵۲ ټنه مس نیولي دي.
سرچینه زیاتوي، چې نیول شوي مس په اته عراده موټرو کې ځای پرځای شوي وو.
د یادې لواء د څلورم کنډک درستيزوال ویلي، چې د نیول شویو مسو د قاچاق په تړاو ۱۹ تنه نيول شوي، چي تر پلټنو وروسته به عدلي او قضايي ارګانونو ته وسپارل شي.
د ۲۱۵ عزم قول اردو مطبوعاتي دفتر ویلي، چي تردې وړاندې هم د ياد کنډک ځواکونو په سرحدي سيمو کي د مختلفو موادو د قاچاق مخه نيولې ده.