د افغانستان اسلامي امارت د ریاست الوزرا اقتصادي معاونیت په یوه خپره شوې خبرپاڼه کې د کابل په ګډون د هېواد له بېلابېلو برخو د څه باندې ۶۳ زره سوالګرو د راټولولو خبر ورکړی.
په دغه خبرپاڼه کې راغلي چې له دې ډلې ۲۷۷۱۵ مستحق سوالګر او ۳۱۱۲۶ یې حرفوي یا کسبي سوالګر او پاتې نور یې بې سرپرسته او په نشه یي توکو روږدي ثابت شوي.
په دغه خپرپاڼه کې راټولو شویو مستحقو سوالګرو ته د میاشتني معاش د ورکړې خبر هم ورکول شوی دی.
د یادونې وړ ده چې په ټول هېواد کې د اسلامي امارت د رهبر د فرمان پر اساس د مستحقو سوالګرو د تثبیت لړۍ دوام لري.