راپورونه وايي، امريکا تېره شپه يو ځل بيا پر ايران بريدونه ترسره کړي او ګڼ شمېر مهم تاسيسات يې په نښه کړي دي.
اکسیوس ویبپاڼې د یوه امریکايي چارواکي له قوله راپور ورکړی، چې د سه شنبې ورځې د امریکا بریدونه پر ایران د پراخوالي او ځواک له پلوه د لس ورځې مخکې ترسره شویو بریدونو په پرتله څلور تر پنځه برابره لوی وو.
د راپور له مخې، دغه بریدونه وروسته له هغه ترسره شول چې امریکا ادعا وکړه، ایران د هرمز تنګي په سیمه کې پر سوداګریزو بېړیو بریدونه کړي دي.
دا تازه کړکېچ داسې مهال رامنځته کېږي چې د تهران او واشنګټن ترمنځ خبرو کې پرمختګ شوی و.