د ايران پارلمان مشر، محمد باقر قالیباف ویلي، امریکا د ایران او امریکا ترمنځ د تفاهملیک (MOU) له څو مهمو مادو سرغړونه کړې ده.
د هغه په وینا، په دغو سرغړونو کې په هرمز تنګي کې د ترسره شویو ترتیباتو نقض، د نورو پوځي بریدونو دوامدار ګواښونه، د ایران پر نفتو د بندیزونو بیا لګول، د ایران پر سویلي سیمو بریدونه او پر لبنان د اسرائیلي بریدونو دوام شامل دي.
دا څرګندونې د هغه په رسمي اېکس (X) پاڼه کې هم خپرې شوې دي.
قالیباف ټینګار کړی چې «د زورواکۍ او باجاخیستنې دوره پای ته رسېدلې ده، دا ډول سیاست هېڅ پایله نه لري او ایران به هېڅکله تسلیم نه شي.»
نوموړي دغه څرګندونې په داسې حال کې کړې چې يوځل بيا د ایران او امریکا ترمنځ بريدونه تبادله شوي.