د رویټرز خبري آژانس د راپور له مخې یوه ۴۵ کلن سړي پرون يکشنبه د امریکا د کلرادو ایالت په بولډر ښار کې د اسرائیلي رژیم د پلویانو پر يوې راټولې شوې ډلې د «فلسطين لپاره ازادي» شعار په ورکولو سره د اور بلوونکو بمونو پر مټ برید کړی دی او شپږ تنه یې شديد ټپيان کړي دي.
سرچينې د کلرادو ایالت لپاره د FBI د ځانګړي افسر، مارک میخالک له قوله ویلي، چې د ټپيانو عمرونه د ۶۷ او ۸۸ کلونو ترمنځ دي، او روغتون ته لېږدول شوي دي.
د بريد کوونکي نوم “محمد سلیمان” یاد شوی، تر برید وروسته روغتون ته لېږدول شوی او تر اوسه د هغه یا د کورنۍ په اړه نور جزئیات نه دي خپاره شوي.
د سرچينې په خبره راټولو شويو خلکو له حماس غورځنګ سره د اسرائیلي بنديانو ياد غونډه ترسره کوله.
دا پېښه داسې مهال رامنځته شوې چې د غزې جګړې له امله په امریکا کې ترینګلتیاوې اوج ته رسېدلي دي او وخت ناوخت د فلسطين ملاتړي په دغه هېواد کې په مېشتو يهوديانو او د اسرائيلو په ملاتړو بريدونه ترسره کوي.