انادولو خبري اژانس راپور ورکړی، چې د امریکا ولسمشر ډونالډ ټرمپ د منځمهالو ټاکنو په پایلو کې د جمهوري غوښتونکو د ماتې پړه پر فاکس نیوز شبکې واچوله او تور یې پورې کړ چې دغې رسنۍ د ډیموکراټانو مخالفو نوماندانو ته د پراخ پوښښ په ورکولو سره محافظهکار نوماندان کمزوري کړي دي.
ټرمپ پر خپلې ټولنیزې شبکې «تروث سوشل» لیکلي، فاکس نیوز د ډیموکراټانو مخالفینو ته په پرلهپسې توګه د خپرونو وخت ورکولو له امله د ټاکنو په پایلو کې مسؤلیت لري.
نوموړي په ځانګړي ډول د نیویارک د ښاروالۍ پخوانی مشر بېل ډي بلازیو هم یاد کړی او پر دې یې نیوکه کړې چې ولې فاکس نیوز هغه ته د حکومتولۍ په اړه د مشورو ورکولو فرصت ورکړی دی.
دا څرګندونې داسې مهال کېږي چې د امریکا په منځمهالو ټاکنو کې ډیموکراټانو په سنا او د استازو په مجلس کې د اکثریت ترلاسه کولو په لور پرمختګ کړی، چې ورسره به د ټرمپ د سیاسي اجنډا پلي کول له خنډونو سره مخ شي.