المرصاد نشراتي اداره د يوه خبر په خپرولو سره وايي چې ځانګړو امنيتي ځواکونو د هېواد په جنوب کې د داعش ډلې يو غړی د پاکستان بلوچستان ته د تېښتې په مهال نيولی دی.
بلوچستان ته د داعش ډلې د غړي تېښته داسې مهال ترسره کېږي چې دوه ورځې وړاندې امنيتي ځواکونو په يو لړ ځانګړو عملياتو کې د هېواد د شمال په څو ولايتونو کې د داعش ډلې د يو شمېر غړي ونيول.
ياده دې وي چې د افغان حکومت او ځينو نورو هېوادونو له لوري د خپرو شويو څېړنو له مخې داعش ډله د پاکستان په بلوچستان کې د پوځ په کمپونو او مېشت ځايونو کې روزل کېږي او له هغه ځايه افغانستان او نورې نړۍ ته د فعاليت لپاره لېږل کېږي.