د اندونیزیا څخه راغلي پلاوي د ملي دفاع وزارت چارسمبالي وزیر مولوي محمد یعقوب مجاهد سره لیدلي دي.
یاد پلاوي ویلي، هغه څه چې موږ په رسنیو کې اورېدلي وو، تش تبلیغات وو.له ملي دفاع وزارت څخه په خپره شوې خبرپاڼه کې ویل شوي، د ملي دفاع چارسمبالي وزیر د اندونیزیا د جمهوري ریاست له پخواني مرستیال محمد یوسف کالا، د اوسنۍ سرې میاشتې او جوماتونو شورا له رئیس او مل پلاوي سره لیدلي دي.
په خبرپاڼه کې ویل شوي، د ملي دفاع وزیر راغلي پلاوي ته وویل، چې افغانستان او اندونیزیا ډېر مشترکات لري، موږ لېواله یو، چې د دواړو اسلامي هېوادونو ترمنځ په بېلابېلو برخو کې اړیکې او همکارۍ لا پراخه کړو.
په دې لیدنه کې د اندویزیا پلاوي په افغانستان کې د امنیت او بیارغونې په اړه خوښي ښودلې او ویلي یې دي، چې اندونیزیا به په بېلابېلو برخو کې له افغانستان سره همکاري وکړي.: «هغه څه چې موږ د افغانستان د امنيت او نورو موضوعاتو په تړاو په رسنيو کې اورېدلي، تبليغات وو؛ بلکې امنيت د تامين او په اقتصادي برخه کې ډېر کارونه شوي، د اندونیزیا چمتو ده، چې له افغانستان سره په بېلابېلو برخو کې همکاري او پانگونه وکړي.»
د اندونیزیا یو پلاوی کابل ته راغلی، چې له بېلابېلو افغان چارواکو سره یې لیدلي دي.
یاد پلاوي د بهرنیو چارو له وزیر امیر خان متقي سره په لیدنه کې ویلي وو، چې اندونیزیا به د روغتیا او افغان محصلانو ته د بورسونو په ورکړه کې خپله همکاري وکړي.