د تهران ټایمز ورځپاڼې په ګډون يو شمېر ايراني رسنيو په خپلو خپاره کړيو راپورونو کې ویلي، چې د ایران توغندي د ځمکې لاندې په ټولو ښارونو کې په موټرو کې نصب شوي دي او د توغولو لپاره چمتو دي.
ایراني لوری دا څرګندونې داسې مهال کوي، چې له دې وړاندې د امریکا ولسمشر ګواښ کړی و چې د موافقې نه کولو په صورت کې به په ایران برید وکړي.
ټرمپ له اېن بي سي نیوز شبکې سره په یوه مرکه کې خبرداری ورکړی، چې که ایران د خپل اټومي پروګرام په اړه موافقه ونه کړي نو بمبار به شي.
د يادونې وړ ده چې امریکا غواړي، له ایران څخه د اټومي پروګرامونو په اړه د ډاډ ترلاسه کولو لپاره مستقیمې خبرې وکړي.