نیویارک ټایمز ورځپانې تېره پنجشنبه د ۱۴۰۳ه ش کال د زمري/اسد میاشتې په ۱۱مه د دریو ایراني سرچینو له قوله ویلي چې، د ایران ستر مذهبي مشر ایت الله علي خامنه یي خپل هیواد ته امر کړی چې، د ایران په خاوره کې د اسماعیل هنیه د وژل کېدو په غچ کې دې مستقیماً پر اسرائیلو برید وکړي.
د نیویارک ټایمز د معلوماتو پر بنسټ، دې ورځپاڼې چې له هغه دریو سرچینو سره خبرې کړي، دوه یې د ایران سپاپاسداران غړي دي.
پوښتنه دا ده چې، اسرائیلو فلسطین کې په زرګونو تنه انسانان شهیدان کړل او لا یې هم د وژلو لړۍ روانه ده، دوی ته ولې څوک ترهګر نه وایي؟ حماس چې د خپل هیواد او د هیوادوالو څخه د دفاع په موخه فعالیت کوي، ولې د اروپایي اتحادیې او د امریکا د متحده ایالاتو له خوا د ترهګرې ډلې په نامه یادېږي/پېژندل شوې؟ ایا د ظلم، زیاتي، وحشت، د هیواد په سطحه په ملي منافعو د تېري مخنیوی ترهګریت دی؟نیویارک ټایمز د هغه دریو سرچینو چې، دوه یې د سپاپاسداران غړي دي، د هغه په حواله چې کوم راپور خپور کړی، وایي چې، ایران پلان لري چې په اسرائیلو کې، پر پوځي اهدافو د بې پیلوټه الوتکو او راکټونو په مرسته ګډ بریدونه وکړي.
ایران د ۱۴۰۳ ه ش کال حمل میاشتې په ۲۶مه وروسته تر هغې په اسرائیلو سلګونه توغندي او بې پیلوټه الوتکې وتوغولې چې دمشق کې یې کونسلګري د اسرائیلو په برید کې له منځه ولاړه او یو شمېر کسان پکې ووژل شول.
د حماس د سیاسي د فتر مشر اسماعیل هنیه د تېرې چهارشنبې سهار د روان ۱۴۰۳ه ش کال د زمري/اسد میاشتې په ۱۰مه د ایران پلازمینې تهران په شمال کې په خپل کور کې له خپل ساتونکي سره یو ځای په نښه او شهید کړای شو.
د پورته یادې شوې ورځپانې په وینا، ایران د دې احتمال په اړه ریسرچ/څېړنه کوي، چې د ایران له خاورې پر اسرائیلو د مستقیم برید په څېر به د یمن، سوریې او د عراق له ځينو برخو به په اسرائیلو بریدونه وشي.
تر دې وړاندې د ایران مذهبي مشر ایت الله علي خامنه یي د اسماعیل هنیه له شهید کېدا یوه ورځ وروسته په خپل یوه پیغام کې ویلي و، چې اسرائیل په دې کار سره د ځان لپاره سختې/کلکې سزاء ته تیار دی.
د رسنیو د معلوماتو له مخې، د حماس یو لوړپوړی چارواکی وايي، د دې ډلې د سیاسي دفتر د مشر اسماعیل هنیه وژنه به بېځوابه پاتې نهشي؛ د دې سیاسي دفتر یوه بل غړي موسی ابو مرزوق په يوه اعلاميه کې د اسماعیل هنیه وژنه یو بزدلانه عمل بللی دی.
لهدې پېښې یوه ورځ وړاندې ښاغلي هنیه په تهران کې د ایران د ولسمشر مسعود پزشکيان د لوړې په مراسمو کې له هغه او د ايران له مذهبي مشر ايتالله علي خامنهيي سره وکتل؛ اسرائیلو تر اوسه د اسماعيل هنيه د وژنې په تړاو څه نهدي ویلي.
بلخوا رسنیو ویلي و چې، دغه دفتر تېره چهارشنبه پر خپله فېسبوکپاڼه د اسماعیل هنیه یو انځور خپور کړی او پر ټنډه یې ورته د ټاپې په بڼه لیکلي و: (هغه له منځه ولاړ…) د راپورونو له مخې د اسرائیلو د دولت د مطبوعاتو دفتر له خپلې فیسبوک پاڼې هغه پوسټ بېرته لرې کړی، چې په تمسخري بڼه یې د هغه په ټنډه لیکلي وو چې، هغه له منځه ولاړ، خو لامل یې لا معلوم نه دی او تر حذفېدو مخکې پر بېلابېلو اژانسونو خپور شوی دی.
د دغه دفتر په پوسټ کې بې له دې چې پر اسماعیل هنیه د برید څرنګوالي ته اشاره وشي لیکل شوي وو چې، هنیه په تهران کې تر برید لاندې راغلی دی؛ د فیسبوک پاڼې له پوسټ څخه څرګندېږي چې برید د اسرائیلو له خوا شوی ده.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.