سيبياېس نیوز د اردن د وسلهوالو ځواکونو د لوی درستیز د پخواني مرستیال قاصد محمود له قوله راپور ورکړی، چې د اردن پر امریکايي پوځي اډه د ایران وروستي توغندیز بریدونه د تهران د پوځي تاکتیکونو د بدلون څرګندونه کوي.
د نوموړي په وینا، ایران خپله توغندیزه ټکنالوژي پرمختللې کړې او د توغندیو او بېپیلوټه الوتکو په ګډ استعمال د دښمن د راداري دفاعي سیستمونو د تېروتلو وړتیا لوړه کړې ده.
هغه وایي، ایران لومړی ساده توغندي د رادارونو د منحرفولو لپاره کاروي او وروسته داسې پرمختللي توغندي توغوي چې د الوتنې په وروستیو ۳۰ تر ۴۰ کیلومترو کې خپل مسیر بدلوي، چې له امله یې د دغو توغندیو کشف او شنډول خورا ستونزمن کېږي او د بریدونو اغېزمنتیا لوړېږي.