ایراني رسنیو راپور ورکړی، چې د دغه هېواد قضائیه قوې ایراني متخصص، عرفان شکور زاده د امریکا او صهیونیستې رژیم استخباراتو ته د جاسوسۍ په تور په دار وځړاوه.
د راپورونو له مخې، نوموړی د خپلې تخنیکي وړتیا له امله د ایران د سپوږمکۍ او فضايي چارو یوې ادارې ته جذب شوی و.
ویل شوي، هغه د دندې پر مهال له امریکایي او صهیونیستي استخباراتي شبکو سره اړیکې ټینګې کړې وې او د خپلې دندې اړوند محرم معلومات یې ور استولي وو.
ایراني چارواکو ویلي، چې نوموړي په قصدي ډول له دغو استخباراتي ادارو سره همکاري کړې ده.